Kalibo, Aklan-Dismayado ro pilang mga mangunguma sa banwa it makato matapos nga owa ginbag-o ro masterlist it mga nakabaton it P10,000 nga financial assistance nga naapektuhan it el niño phenomenon, sa nasambit nga banwa.
Mabahoe ro andang pagpati nga may anomaliya sa ginpatigayon nga validation it lokal nga gobyerno bangud sa kwestiyunable nga mga benepisyaryo.
Suno kay Renan Tordecillas nga nangawa sanda, bangud nga maskin nga apektado man it El Niño ag nakasabat man sa mga kinahangeanon nga requirements, apang owa naeakip sa listahan it mga beneficiaries.
Ro iba sigon sa mga nakabaton it ayuda hay bag-o eamang nga nakapa-register sa Philippine farmer registry system, samtang sanda hay mabuhay eon tiempo nga miyembro.
Mag-eowas kara, gina-alegar nga, sa sangka household hay haeos tatlo ro nakabaton it assistance nga magpamilya.
Madumduman nga matapos nga ginpa-isoe ko nagtaliwan nga mga inadlaw, ginpatigayon ro distribution it assistance sa kapin sa 840 nga mga farmers, fisherfolks, ag natungdan nanda nga pamilya , kahapon nga adlaw it huwebes sa ABL sports and cultural complex.
Kasunod it revalidation, nagdesisyon ro department of agriculture ag iba pang natungdan nga ahensiya it gobyerno nga indi eon pagbag-uhon ro orihinal nga masterlist.
Ginpaabot man it aklan provincial agriculture office nga magapadaea sanda it listahan, it dugang nga mga pangaean sa office of the president agud nga mapondohan.
