KALIBO, Aklan—Ginlaygayan it mga kapulisan ro kapin sa limang mga street food vendors matapos nga mag-eabag ro mga raya sa ginapatuman nga minimum health protocols.
Base sa report, naaktuhan ro mga raya nga illegal nga nagabaligya sa pilang daeanon sa banwa it Kalibo.
Sa pagsikyar it mga otoridad it pilang mga importanteng pangkontra sa virus daea it COVID-19 patikular ro face mask, face shield ag alcohol hay napas-eawan nga magpakita ro mga raya.
Sa baylo nga ikulong hay ginlaygayan lang ro mga nasambitang vendors ag gintaw-an it face mask nga andang pagagamiton sa andang pagbaligya.
Ginpaandaman man ro mga raya nga mahugot nga ipatuman sa andang bumaeakae ro pagsunod sa minimum health standards it Department of Health (DOH) eabi pa ag pagkaon ro andang ginabaligya agud nga malikawan ro pagkalhit it Coroavirus Disease.
