KALIBO, Aklan—Mas pang makapabaskog it kumpiyansa sa mga tourists destination sa nasyon nga amat-amat nga magbukas sa mga bisita ro mga pagkilaea nga gintau it New York based nga Condé Nast Traveler’s 2020 Readers’ Choice Awards of top Island destinations of Asia sa pilang mga isla sa Pilipinas.
Raya hay sa atubang it padayun nga naexperiensiyahan nga pandemya nga tuga it coronavirus disease 2019 ukon covid 19 nga nagpabagsak sa ekonomiya sa bilog nga kalibutan.
Raya ro ginpahayag it Department of Tourism (DOT) matapos ro pinaka-ulihi nga komendasyon nga nabaton it isla it Cebu ag Visayas nga nagpanguna sa listahan.
Sa ika-33 nga Readers’ Choice Awards, gin-imbitahan it Condé Nast Traveler’s ro kapin sa 600,000 nga mga biyahero nga magboto online para sa “top islands” sa 6 nga mga lugar sa Asya, Australia ag South Pacific, kamana man sa Caribbean and the Atlantic, Africa and the Indian Ocean, Europe, ag North America.
Gindayaw kara ro cebu bangud sa andang mga baybayon, diving spots, ag Spanish-Catholic colonial ag cultural heritage attractions.
Pang-ap-at nga pwesto ro Palawan, pang-lima ro Siargao ag pang-an-um ro Boracay sa andang listahan.
