KALIBO, Aklan — Pilang kandidata it Miss Earth 2018 ro nakisadya para sa uman nga pagbukas it Boracay sa publiko.
Nagrampa ag nakisaot ro mga raya sa stage nga ginbutang sa Cagban jetty port kadungan sa pagkanta ni DJ Cara it Boracay jingle.
Nauna eon kara nga nakipag-angot ro Miss Earth Organization kay Pangueong Rodrigo Duterte para sa nagkaeain-eain nga environmental campaign it pageant, kon siin nagabulig man sanda sa Department of Environment and Natural Resources (DENR) ag iba pang environment advocates.
Suportado it organisasyon ro rehabilitasyon sa Boracay nga sa makaron hay nagbalik eon ro kaayusan ag kalimpyuhan sa isla.
Nasayuran nga dag-on 2009 kat ginpatigayon ro prestihiyosong pageant sa Boracay sa kauna-unahang kahigayunan.
Sa pihak nga parte, ginpakilaea man sa nasambitang programa ro aktor nga si Rez Cortez it anang onga nga si Cacai Cortez nga nagserbeng host nga sambilog sigon sa mga nag-organize it Boracay icon, sangka prominent marker sa Cagban jetty port nga magasug-aeaw sa mga turistang magasueod sa isla.
