KALIBO, Aklan – – – Owa it nailistang kasamaran ro natabo nga pagpasabog sa bahin it Riyadh, Saudi Arabia matapos nga nagpaeupad it ballistic missile ro Houthi rebels maghalin sa Yemen.
Suno kay Mrs. Angel Ronquillo nga tubong Buruanga, ag nakabase makaron sa Riyadh, Saudi Arabia nga normal sa makaron rong sitwasyon sa andang lugar.
Ro pagpasabog sigon it Yemen hay sa ibabaw rason nga mga debris eamang ro naadto sa idaeom.
Ginpahayag ni Ronquillo nga preparado man rong Saudi army rason nga insigida man raya nga natapna.
Ginpabutyag man ni Ronquillo nga ‘safe’ eon makaron sa bahin it Riyadh base man sa ginpaguwa nga balita idto.
Dugang pa kara nga ginpreparahan man it Yemen raya nga pagpasabog bangod sa uwa nagakasugot rong bahin it Saudi ag Yemen.
