Ap-at nga nurse nga tinamaan it Ebola virus (Bundibugyo strain) sa Bunia, Democratic Republic of Congo, ro nag-mayad ag nakaguwa eon it ospital, suno sa World Health Organization (WHO).
Kaibahan man sa mga naka-recover ro sangka laboratory worker, kaya umabot eon sa lima ro kabilugan nga numero it mga nag-mayad sa presenteng outbreak.
Sa pihak kara, padayon ro pagtaas it kaso sa nasyon nga umabot eon sa 282 kumpirmadong impeksyon ag 42 pagkamatay, matapos madugangan it 19 bag-ong kaso, samtang masobra 1,100 suspected cases pa ro gina-imbestigahan.
Padayon ro paandam it mga awtoridad sa posibleng pagkalhit it sakit sa rehiyon, kadungan it maid-id nga monitoring sa mga kaparehong kaso sa ibang nasyon nga uwa nagbuhay hay napamatud-ang bukon it Ebola.
