Uwa eon ginpamalibaran ni Philippine Amalgamated Supermarkets Association president Steven Cua nga may pilang produkto ro ginaeauman nga magataas ro presyo sa buean it Abril.
Raya hay bangud sa padayon nga krisis sa Middle East kon sa siin naapektuhan ro suplay it produktong langis.
Dugang pa kara nga pilang mga sangkap ukon raw materials it mga produkto sa supermarkets hay halin pa sa ibang nasyon.
Kon magbuhay pa ro giyera sa Iran hay eauman nga ro tanan nga mga produkto sa supermarkets hay magataas.
May pilang produkto eon man ro nagtaas kapin eon sa mga probinsiya bangud sa kinahang-ean pa kara nga ibiyahe kon sa siin bangud sa pagtaas nga presyo it petrolyo hay ginapatong it pilang negosyante ro mga presyo kara.
Para sa Abril 1 hay may pilang mga manufacturers eon ro nag-abiso nga sanda hay magataas it presyo.
