ÑKALIBO, Aklan—Ginpaabot ni Aklan 1st district sangguniang panlalawigan member Nemesio Neron ro posibleng mga problema nga magatuhaw sa patag it agrikultura sa pagtama it El NiÑo phenomenon.
Suno kay Neron, chairman it committee on agriculture nga raya hay kasunod man it ginpaabot nga concern kana it mga mangunguma ag mangingisda sa Aklan.
Nagakabaeaka sigon ro mga raya sa posibleng madangatan it mga tanum nga paeay ag tinuea ag pagka-maea it mga katangkehan.
Partikular nga gustong masayuran it mga sa provincial government ro status it irigasyon sa Aklan.
Sa pihak nga parte, gusto man ni Neron nga masayuran ro status it African swine fever sa probinsiya ag posibleng mahimo it mga lokal nga opisyal agud nga malikawan ro pagkalhit it virus sa mga alagang baboy.
Gindugang pa ni Neron nga kinahangean man nga mtumod kon bastante ro supply it baboy sa probinsiya bangud nga haeos maabu eon nga mga rehiyon sa nasyon hay infected eon it ASF.
Ro paeag it ASF hay nakakaapekto eon sigon sa mga alagang baboy ag hog industry sa probinsiya.
Ro nasambit nga mga concern hay gin refer eon sa committee on agriculture and laws.
