INTERNATIONAL News–Posibleng masundan pa ro ginhimo nga pag-resign it sangka Russian officer sa nagapadayun nga giyera sa Ukraine.
Nakabatyag eon it konsensya ag kaeauoy ro sangka Russian junior officer sa andang ginhimo sa mga pumueoyo sa Ukraine.
Suno sa owa eon ginpangaeanan nga opisyal, sanda hay mahigko ag gaoy eon.
Ro mga tawo sigon sa palibot nanda hay nagakamatay.
Ginpahayag dugang nga gin-usoy kara ro anang kumander ag nagpanaog sa anang komisyon sa lugar.
Ro mga Russian troops hay nabudlayan sa manaba nga moral ag grabeng pagkalugi sa Ukraine, suno sa mga pagtantya it mga opisyal it nakatungdan kaibahan ro Pentagon.
Ginpahayag it Intelligence, Cyber and Security Agency it UK nga ro pila kanda hay nagpamalibad nga sundon ro mga “orders”.
