SHOWBIZ News —- Pilang personalidad ro ginswerte nga nagdaog sa 2022 national ag local elections.
Una kara si Robin Padilla nga nagpanguna sa partial ag unofficial count bilang senador nga nakasueod sa Magic 12.
Kaibahan man sa Magic 12 ro showbiz royalty nga si Jinggoy Estrada.
Sa lokal nga posisyon, ro mga personalidad nga nagdaog sa andang ginadaeaganan nga pwesto hay sanday Arjo Atayde, Quezon City First District Congressman; Ejay Falcon, Oriental Mindoro Vice Governor; showbiz couple nga sanday Richard Gomez bilang Leyte Representative ag Lucy Torrez-Gomez bilang alkalde it Ormoc City; Nash Aguas, konsehal it Cavite City; Jhong Hilario, konsehal it Makati First District; Vico Sotto, Pasig City Mayor; Angelu De Leon, konsehal it Pasig; Karla Estrada, third nominee it Tingog Partylist.
Samtang, owa man ginswerte nga magdaog ro pilang artista nga nagpadaeagan sa lokal nga posisyon nga ginaeakipan nanday, Raymond Bagatsing nga ginpierde ni Yul Servo bilang vice mayor it Manila; Ali Forbes, napierde bilang konsehal it ika-an-um nga distrito it Quezon City; Claudine Barreto, napierde bilang konsehal it Olongapo City; Long Mejia, napierde bilang Board member it First District it Bulacan ag Arci Muñoz nga owa ginswerte nga maging konsehal it Cainta, Rizal.
