Uwa nakaeowas sa baha ro mga simbahan sa Metro Manila, matapos nga ginsueod ro mga raya it nagaragasa nga tubi-baha.
Nasayuran nga agahon pa eamang hay mataas eon ro baha sa San Antonio de Padua Parish ag Most Holy Redeemer Parish – Masambong.
Kapin pa raya nga naglala kat uman nga bumuhos ro mabaskog nga uean it truadlaw.
Ro mga pungkuan ag religious materials it nasambit nga simbahan hay nag-eoeotaw.
Samtang, ro simbahan mat-a it Holy Family, Quezon City hay temporaryong ginhimo nga evacuation area.
Nasayuran nga ro pila kanda hay magasimba eamang kunta apang uwa eon nakahalin bangud sa pagtaas it tubi sa palibot it simbahan.
Nagpahaom eon lang ro pilang opisyal it parokya para sa pagkaon nanda ag pati eon man ro mga nagbakwit.
May mga onga man nga gindaea sa edipisyo rason nga kanya-kanyang puwesto eon lang ro mga parokyano it local churches sa Quezon City.
