Todo ro pagpasaeamat it pamilya De Vega-Mercado sa pagbuhos it mga pakigsimpatiya, pagpangamuyo sa pagtaliwan it dating Asia’s fastest woman, Lydia de Vega Mercado.
Pilang mga sports personalities eon man ro nagbisita kapareho eon lang it swimming legend nga si Akiko Thompson-Guevara, Elma Muros, bowling great PSC Commissioner Bong Co, dating taekwondo champ Monsour del Rosario ag iba pa.
Sa pihak nga parte, suno sa onga it atleta nga si Stephanie,dag-ong 2018 pa nasyuran ro masakit it ina nga breast cancer kung siin sanda eamang nga bilog nga pamilya ro nakasayod bangud owa naila ro dating atleta nga magkabaeaka pa ro iba kana.
Sa nakataliwan nga ap-at nga dag-on hay nakontrol ro sakit it ginbansagan nga dating sprint queen ag sports darling it nasyon.
Apang, naging agresibo makaron nga dag-on ro pagkalhit it cancer cells ag nag-angkon it mga komplikasyon si Lydia.
Samtang, sa paea-abuton nga Miyerkules hay nakataeana nga igahatod sa anang ulihing paeahuwayan si Diay sa Meycauayan, Bulacan.
