KALIBO, Aklan—Bukas si Kalibo Sangguniang Bayan member Matt Aaron Guzman nga uman nga maistoryahan ro pilang ka mga pagbag-o sa patakaran nga ginapatuman para sa mga siklista.
Suno kana, nagpatigayun eon sanda it pueong kaibahan ro nagkaeain-eain nga bicycle association ko mga nagtaliwan nga buean.
Nasayuran nga plano it lokal nga gobyerno nga ipa-rehistro ro mga nagagamit it biseklita sa banwa it Kalibo.
Nag-umpisa nga sumikat ro paggamit it bisikleta kato pang Marso 2020 sa idaeom it Enhanced Community Quarantine (ECQ) bangud sa kakueangan it mga nagabiyaheng saeakyan.
Mag-eowas sa makatipid it pamasahe, makabulig man ro pagbiseklita sa mga pumueoyo nga maging healthy sa tunga it pandemya bangud makabig man raya nga sangka klase it ehersisyo.
