KALIBO, Aklan—Gindesisyunan it pilang transport cooperative sa eastern side nga maga-renta it eugta nga pagabutangan it andang kaugalingon nga terminal area matapos nga ginapanan-aw nga magiging gutok ro andang pagasayluhan sa kilid it sangka mall sa F. Quimpo St. Kalibo .
Nasayuran nga ro nasambit nga lugar ro gintaeana it lokal nga gobyerno it Kalibo nga temporaryo nga eastern side terminal .
Sa Lunes hay pagabakantehon eon it mga pampasaherong public utility jeepney ro andang terminal sa san Lorenzo drive agud nga mabutangan it mga temporary stalls nga paga-okupahan it mga negosyante halin sa Kalibo public market .
Tuyo kara nga maumpisahan eon ro construction para sa modernization project it tindahan nga may nga pondo nga P300 milyon.
Suno kay Jeffrey Abello, sambilog sa board of directors it new washington transport cooperative nga nakipag-istorya eon sanda sa pamunuan it Kalibo Transport and Traffic Management Unit ukon TTMU ag Municipal Economic Enterprise Development Office ukon MEEDO kalibo angot sa andang plano .
Mabahoe ro andang pagpati nga magatuga it paggutok it trapiko engkaso nga idtu sanda magatueumpok sa gintaeana nga temporaryo nga terminal area it LGU kalibo bangud nga ro kada transport group hay may 50 hasta 70 nga PUJ dugang pa ro mga buses
Ginpahayag dugang nga umpisa sa lunes hay idtu eon sanda magapwesto sa gin-rentahan nga lote sa tabok it Chinese cemetery.
Nasayuran nga ro banga transport cooperative hay uman man nga magabalik sa dating gina rentahan nga lugar sa crossing-Banga-New Washington.
