NATIONAL News — Nagkasugot ro Pilipinas ag France nga pabaskugon ro andang kooperasyon sa dairy sector.
Gin-anunsyo it Department of Agriculture (DA) ro pinaka-ulihing pagpirma it memorandum of understanding (MOU) sa tunga it National Dairy Authority (NDA) ag France-based Phylum SARL para sa pagpatigayon it feasibility study it Philippine Dairy Project.
Ro feasibility study hay paga-pondohan pinaagi sa grant halin sa Fonds d’Etudes et d’ Aide au Secteur Prive it French government.
Ro dairy farm hay makaangkon it pasilidad nga makasarang nga magproseso it hasta sa 10 metriko tonelada it raw milk dairy.
Dugang pa it DA, magatau it daean ro kasugtanan sa pagpatindog it milk collection centers ag milk processing facilities sa mga pili nga lugar sa nasyon.
Ro Phylum SARL hay sangka French company nga nagatutuk sa food, animal health ag welfare.
Sa makaron, ro milk sufficiency it Pilipinas hay kapin sa 1.66 percent eamang.
Ginpahayag it DA nga target it NDA ro limang porsyento ukon 80 milyong litro it gatas sa 2028.
Ro MOU hay ginpirmahan nanday Agriculture Secretary Francisco Tiu Laurel Jr., nga nagrepresenta sa NDA, ag si Phylum SARL managing partner Francois Gary ko Enero 22.
