National News—Nagpirma ro Pilipinas ag Sweden sa sangka kasugtanan para suportahan ro planong pagbakae it nasyon it multi-role fighter (MRF) aircraft para sa Philippine Air Force (PAF).
Ginpangunahan nanday Joakim Wallin, Swedish defense materiel head of exports ag Joselito Ramos, ro Philippine assistant secretary for logistics, acquisitions and self-reliant defense posture it Department of National Defense ro pagpirma it nasambit nga kasugtanan nga may titueo nga “Implementing Arrangement Concerning the Procurement of Defense Materiel and Equipment”.
Suno sa Swedish Defense Materiel Administration, interesado ro Pilipinas sa Swedish systems kaibahan ro fighter aircraft, command systems ag airborne early-warning aircraft.
Ginhimo ro pagpirma sa nasambit nga kasugtanan antes ro nakataeanang pagbisita ni Swedish Defense Minister Pål Jonson sa nasyon sa Hunyo 5 bilang kaparte it sang dominggong pagbisita nana sa tatlong nasyon sa Asia-pacific kaibahan ro Singapore, Australia ag Pilipinas.
Ro padayon nga pagpabaskog sa kapasidad it military it Pilipinas hay sa tunga it nagalala nga panggipit it China it claims nanda sa West Philippine Sea.
