Nagkasugot ro Pilipinas ag Tsina sa sangka “arrangement” para sa pagresupply it mga tropang Pilipino nga nakaistasyon sa Ayungin Shoal, matapos ro serye it mga komprontasyon sa ginaagawang kaeawran sa West Philippine Sea.
Madumduman nga sa sangka remote outpost sa Second Thomas Shoal hay naging sentro it mga banggaan sa tunga it mga barko it Tsina ag Pilipinas ko nagtaliwan nga buean samtang ginapabaskog it Beijing ro andang pag-angkon sa haeos bilog nga West Philippine Sea.
Uwa eon nagtao it iba pang detalye ro Department of Foreign Affairs angot sa arrangement, apang ginpahayag nga ginakilaea it magtimbang nga [arte ro kinahang-eanon nga buhinan ro tensyon sa West Philippine Sea ag ro mga pagkaeain sa pinaagi it dayalogo ag konsultasyon.
Nasayuran nga ro BRP Sierra Madre hay sangka tuktukon nga barkong pang gyera nga hungod nga ginsadsad sa Second Thomas Shoal ko 1999 agud ipakita ro pag-angkon it Pilipinas sa lugar.
Kinahang-ean it mga tropa it regular nga pagresupply it pagkaon, tubi, ag iba pang kinahang-eanon, pati eon man transportasyon para sa rotation it mga tawuhan.
