KALIBO, Aklan—Antes pa man ro pagpanaeasa it COVID-19 pandemic ag pagpungko ni Pangueong Rodrigo Duterte sa pwesto, nakaangkon eon it kakueangan it mga doktor ag nurse sa mga ospital sa Pilipinas.
Base sa datus it Department of Health (DOH) naga-abot sa 92,000 nga mga doktor ag 44,000 nga nurse ro kueang sa nasyon.
Ginpahayag ni Mr. Kim Sin Tugna it Bayan-Aklan nga mas pang napaki ro healthcare system it nasyon sa tunga it pagpanaeasa it pandemya.
Dugangan pa it indi mapunggan nga pagtrabaho sa ibang nasyon it pilang medical frontliner.
Dapat sigon nga taw-an it nagakaigo nga igtueopangod it gobyerno ro pag-alaga sa mga health workers agud masolusyonan ro kakueangan sa mga ospital nga naga-alaga sa mga may sakit.
Mag-eowas kara, nasayuran man nga nagakinahang-ean pa ro nasyon it medical technologist nga naga-abot sa 19,000; pharmacists nga 14,000; radiologic technicians ag radiologic technologists nga 17,000.
