Ginkondena it Pilipinas ro paglunsar it North Korea it international ballistic missile test ko nagtaliwan nga mga inadlaw nga nagtuga sigon it tensiyon sa bilog nga kalibutan.
Gin-isyu it Department of Foreign Affairs ukon DFA ro nasambit nga pahayag matapos nga magpaeupok ro North Korea ko nagtaliwan nga Pebrero 18 it sangka long-range ballistic missile sa kaeawran it Japan bilang sabat sa nagahilapit nga pagpatigayon it military drills it South Korea ag Amerika.
Nagpaandam ro ahensiya nga ro nasambit nga mga missile test hay posibleng magtuga it tensiyon ag makasamad sa katawhayan ag stability sa Korean Peninsula, sa rehiyon ag sa bilog nga kalibutan.
Uman nga gintaw-an it punto it Pilipinas ro panawagan kara sa North Korea nga insigidang punduhon ro nasambit nga mga missile test.
Gin-engganyo man it Pilipinas ro North Korea nga sumunod sa mga resolution it United Nations Security Council ag makaangkon it diplomasiya ag matawhay nga dayalogo sa South Korea.
Madumduman nga nauna eon nga gin-engganyo it Pilipinas ro North Korea ko nagtaliwan nga dag-on nga punduhon eon ro andang missile test bangud magapalala eamang raya sa greopolitical tensions.
