Mahugot nga ginpamalibaran it Pilipinas ro pahayag it Chinese Embassy angot it pag-aku kara sa Pag-asa Island, Pag-asa Cays, ag sa mga aktibidad it Pilipinas sa Kalayaan Island Group (KIG).
Sa sangka opisyal nga pahayag, ginpamilit it Department of Foreign Affairs (DFA) nga mabuhay eon nga parte it soberaniya ag hurisdiksiyon it Pilipinas ro KIG. Kinamatarong sigon it Pilipinas nga magpatigayon it maritime operations ag scientific research sa lugar, alinsunod sa mga pangkalibutanang sueundan kapareho it 1982 United Nations Convention on the Law of the Sea (UNCLOS), 2016 Arbitral Award, ag 2002 Declaration on the Conduct of Parties sa South China Sea.
Suno pa sa DFA, uwa it basehan ro China parabaeabaga ro mga lehitimong aktibidad it Pilipinas.
Ginengganyo it Pilipinas ro China nga respetuhon ro soberaniya ag hurisdiksiyon kara. Ro pahayag it DFA hay sabat sa alegasyon it Chinese Embassy nga nagahamabe nga eumabag ro Pilipinas sa mga kasugtanan bangud sa bukon sigon awtorisadong landings ag “film production-like” nga scientific research.
Nagpanindugan ro embahada nga may “indisputable sovereignty” ro China sa Spratly Islands ag katubiang nakapalibot kara.
Padayon nga nagpanindugan ro Pilipinas para sa kinamatarong-pantawo kara sa printe it tensiyon sa ginapag-awayan nga kadagatan.
