Ginpasiguro ni Pangueong Ferdinand Marcos Jr. nga inde magagamit ro Pilipinas it dahas, inde magpanghadlok ukon inde maghimo it pagpanakit sa sin-o man sa tunga it tensyon sa West Philippine Sea (WPS).
Ginpahayag dugang it presidente nga inde mag-umpisa it gyera ro Pilipinas ag bukon it oeobrahon it nasyon nga magsindi it kinagamo sa baylo hay nakatutok ro gobyerno nga magtao it matawhay ag maumwad nga pagpangabuhi sa kada Pilipino.
Apang, ginklaro it punong ehekutibo nga magapanindugan ro Pilipinas rason nga inde sigon dapat pagkabigon nga pagpaiway ro pagiging kalmado ag matawhay nga disposisyon it gobyerno.
Ro mga pahayag ni presidente Marcos hay kasunod it anang pagbisita sa Western Command headquarters, sang dominggo matapos atakehon it China Coast Guard ro puwersa it Pilipinas nga nagapatigayon it rotation and reprovisioning (RORE) mission sa BRP Sierra Madre sa Ayungin Shoal sa West Philippine Sea ko Hunyo 17.
