BUSINESS News —- Indi eon sigon maexperiensiyahan sa administrasyong Marcos ro agresibong pag-utang sa tiempo kato it administrasyong Duterte bangud sa COVID-19 pandemic nga nagdaea sa pinakamataas nga utang sa nagtaliwan nga 17 anyos.
Raya ro ginpahayag ni Finance Secretary Benjamin Diokno matapos ro State of the Nation Address (SONA) ni Pangueong Ferdinand “Bongbong” Marcos, Jr.
Ginpaburan ni Diokno ro promisa ni Pangueong Marcos sa unang SONA kara nga ro utang it nasyon hay mas manaba sa 60% debt-to-gross domestic product ratio pag-abot it 2025.
Nagapati ro sekretaryo sa mga financial reform it presenteng administrasyon kapareho it Tax Reform for Acceleration and Inclusion ag Corporate Recovery and Tax Incentives para sa mga laye it enterprises.
Hasta ko katapusan it Mayo, nag abot eon sa P12.4 trillion ro nabilin nga utang it gobyerno, kun sa siin ro pinakamabahoe kara hay ro P8.66 trillion nga domestic debt samtang P3.83 trillion hay foreign debt.
