Kaibahan ro Pilipinas sa 90 ka nasyon nga nagpasakop sa Ukraine peace summit nga ginpatigayon sa Buergenstock, Switzerland.
Nagtingob ro mga lider it nagkaeain-eain nga nasyon agud makaangkon it consensus angot sa peace proposal it Ukraine.
Si Presidential Adviser on Peace, Reconciliation and Unity Secretary Carlito Galvez Jr. ro nagpresentar kay Pangueong Ferdinand Marcos sa ginpatigayon nga peace summit.
Uwa nagtambong sa nasambit nga event ro China.
Nakatutok ro peace summit sa isyu angot sa giyera maging sa pagkaon ag nuclear security.
Humirit man ro Turkey ag Saudi Arabia nga magpatigayon pa it sangka pueong bangud nga ro mapuslanong pag-umwad hay nagakinahang-ean it partisipasyon it Russia.
Para kay Ukrainian President Volodymyr Zelenskyy naging madinaeag-on ro peace summit bangud sa mga nagtambong nga world leaders nga makabig nga sangka kasaysayan.
Uwa man nakatambong sa peace summit si US President Joe Biden apang ana nga ginpadaea si US Vice President Kamala Harris.
