Makaibahan ro Pilipinas sa pilang mga nasyon kung siin magalibot ro FIFA Women’s World Cup Trophy sa masunod nag dag-on bilang kaparte it Trophy Tour.
Raya ro ginkumpirma ni Philippine Football Federation (PFF) secretary-general Atty. Ed Gastanes sa ginhiwat nga Philippine Sportswriters Association (PSA) Forum.
Suno kana, nagpatigayun eon sigon it koordinasyon ro FIFA sa national federation it Pilipinas.
Ginkalipay man it national team ro tikang it mga organizers bangud sigurado sigon nga makabuoe pa raya it suporta sa mga kababayan para sa national women’s team nga Filipinas.
Engkaso nga raya hay matabo, magiging big event raya ag kaparte man ro mga sikat ag celebrity players.
Makasaysayan ro pagsabak it Pilipinas sa World Cup nga natabo sa unang kahigayunan ag pagahiwaton raya sa New Zealand ag Australia.
Sa ginpatigayun nga draw ko kan-o eamang hay naadto ro Pilipinas sa Group A, kaibahan ro mga mabaskog nga team nga New Zealand, Switzerland, ag Norway.
Ro 2023 FIFA Women’s World Cup hay ginabilog it 32 mga nasyon nga pagahiwaton sa buean it Hulyo hasta Agosto sa masunod nga dag-on.
