Posibleng mabatyagan ro kakueangan sa suplay it baboy sa nasyon umpisa sa masunod nga buean sa tunga it outbreak it African swine fever (ASF) sa nasyon.
Ginkumpirma ni Agriculture Assistant Secretary ag Deputy Spokesman Rex Estoperez ro nauna nga paandam halin sa National Livestock Program (NLP) nga makaangkon it kakueangan sa suplay it baboy it hasta 46,104 metric tons sa Hunyo kumpara sa demand nga 145,849 metric tons.
Samtang, base sa gin-presentar ni NLP Director Ruth Miclat-Sonaco sa naging konsultasyon it Department of Agriculture sa mga stakeholders, maga-umpisang maexperiensiyahan ro kakueangan sa suplay it baboy sa masunod nga buean kun sa siin ro posibleng deficiency hay kapin sa 11 diyas ukon katumbas it 56,180 metric tons.
Suno kay Sonaco, pag-abot it Hunyo, ro nasyon hay may una nga 39 diyas nga shortage sa suplay it baboy.
Angot kara, ginpaandam ni Agricultre Asec. Estoperez nga magapadayun ro pagkalhit it ASF kon indi makipagbueuligan ro mga lokal nga gobyerno ag publiko para mapugngan ro virus.
