Madali eon lang sigon nga makumpleto ro pagpanupod it fuel subsidy sa sektor it pampublikong transportasyon.
Kasunod kara, gin-umpisahan eon man it Land Transportation Franchising and Regulatory Board (LTFRB) ro pagpanupod it ‘second tranche’ it ayuda.
Sa makaron hay 31,992 eon lang sa 264,578 nga benepisaryo ro owa pa nakabaton it ayuda nga P6,500 pesos.
Ginaeauman nga matapos eon ro distribusyon kara sa public utility vehicle operators ag drivers.
Sa linya man it delivery riders sa idaeum it Department of Trade and Industry (DTI), 22,517 sa 27,777 ro nataw-an eon it ayuda.’
Maskin paalin, makabig nga mabahoe nga bulig ro ayuda halin sa gobyerno, bukon it pangmabuhayan apang makasabat sa kinahangenon.
Ro pangutana, hasta hin uno masarangan it gobyerno nga magtau it bulig-pinansiyal?
Rason nga ro pirmeng ginahinyu sa natungdan nga mag-isip ag magplano it makabig nga pangmabuhayan nga solusyon sa isyu it pagtaas-presyo sa petrolyo.
Nasayuran naton nga owa kita it mahimo sa dikta it presyuhan, ag kita gid man ro maga-adjust.
Kinahangean eon it maabung options.
Ag mas grabeng diskarte.
Kon magapadayun ro makarondaya nga sitwasyon, mas pang maga lobo ro utang it pilipinas ag maapektuhan man ro kabilugan it atong ekonomiya.
Rason nga mabug-at nga hangkat ro magasub-eang sa bag-ong administrasyon.
Kita man bilang pumueuyu, buligan naton ro atong gobyerno ag umpisahan raya sa atong mga kaugalingon.
Pirmeng maging responsabale, alsahon ro kaugalingon , alagaan ro pamilya ag magbuylog sa manami nga katuyuan it gobyerno.
