Temporaryong ginpundo it Land Transportation Franchising and Regulatory Board (LTFRB) ro pagpanupod it ikaywang bugso it fuel subsidy sa mga benepisyaryo sa sektor it pampublikong transportasyon.
Raya hay agud nga itugyan sa magasueod nga administrasyon ro magiging proseso ukon diskarte sa Pantawid Pasada program.
Nasayuran nga sa 2022 General Appropriations Act, nagtaeana it P2.5 bilyon pesos nga ayuda para sa 300,000 benepisyaryo.
Sa makaron, may 50,000 pang owa nakabaton it 2nd tranche it ayuda.
Samtang, ginaplano man nga iproponer sa Kongreso ro pagtau it P3,000 pesos bilang kada buean nga subsidiya sa public utility drivers bangud sa padayun nga pagtaas it mga produktong petrolyo.
Ag raya hay hasta sa limang buean.
Pwede sigon nga mag-obra it supplemental budget ukon boe-on ro pondo sa ‘unobligated funds’ it pilang ahensya it gobyerno.
Rason nga kinahangean nga makaangkon it bastanteng pondo sa 2023 national budget para sa pagtau it ayuda sa public transport sector base sa pagtantiya nga abuton it pilang dag-on ro presenteng sitwasyon sa suplay it langis.
Dapat nga magbueuligan ro tanan nga ahensya it gobyerno para makadungan ro bilog nga nasyon sa krisis nga nagakatabu.
Kinahangean nga maging maaeam sa pag-budget ag maging bukas sa pag-alalay sa ibang sektor.
Kon naga-ililiba kita nga naga-isip ag naga obra it solusyon, masarangan naton nga makaeampuwas sa anumang pagsubok ag may pageaum nga umasenso.
