Nagbo-oe ro gobyerno it Pilipinas it $1.5 bilyong financing halin sa Asian Development Bank (ADB) agud nga masabat ro epekto it krisis sa Middle East sa presyo it langis, pangabuhian ag mga overseas Filipino workers (OFWs).
Suno sa Department of Finance (DOF), ginpirmahan ni Finance Secretary Frederick Go ko Oktubre 6 ro kasugtanan para sa Assistance for Greater Resilience and Alleviation of Poverty (AGAPAY) program.
Pagagamiton ro pondo bilang budget support para sa mga tikang it gobyerno kontra sa pagtaas it presyo it langis ag iba pang epekto it giyera, kaibahan ro fuel subsidies, fare discounts, bulig sa mga mangunguma ag mangingisda, ag cash assistance sa pigado nga pamilya.
Kaparte man it programa ro suporta sa pagpauli ag uman nga pag-ayos it pangabuhian it mga OFW nga naapektuhan it kinagamo sa Middle East.
Suno sa ADB, bulnerable ro Pilipinas sa krisis bangud nga nakadepende raya sa imported fuel ag pangkalibutanon nga suplay it mga nagapangunang baeak-eon.
