KALIBO, Aklan—Nagapangatlo ro Pilipinas sa may pinakamaabong ginapilak nga plastic nga basura sa suba ag dagat kumpara sa maabong mga nasyon sa bilog nga kalibutan.
Suno kay Adorada Reynaldo, Solid Waste Management Officer sa banwa it Kalibo nga mabahoe nga halit sa palibot ag sa ikaayong eawas it sangka tawo ro iresponsableng pagpilak it basura.
BGangud kara hay uman nana nga gina-engganyo ro publiko nga magpartisipar sa panawagan it gobyerno angot sa tamang pagpilak it basura.
Raya hay kasunod it pagselebrar it Zero Waste Month makarun nga buean it Enero.
Nasayuran nga sa banwa it Kalibo hay hugot nga ginabawaean ro pagpilak it basura sa suba kamana man ro pagsunog kara.
Ro sin-o man nga madakpan nga maga-eabag kara puwedi nga magpangatubang it penalidad nga kapin sa 1,000 hasta 1,500 pesos.
