-- ADVERTISEMENT --
Plano eon nga mag-import it Pilipinas it pueang sibuyas sa tunga it nagataas nga presyo kara sa merkado.
Raya hay matapos matukiban nga may pilang mga vegetable vendor ro nagpataas it presyo it red onions nga naga-abot eon it hasta sa P300 pesos ro kada kilo.
Suno sa Department of Agriculture (DA), tuyo kara nga masabat ro market demand tuga it manabang imbentaryo bangud nga sa Pebrero pa sigon ro peak season kara.
Suno kay DA Deputy Spokesperson Rex Estoperez, naga-abot sa 13,000 metric tons it pueang sibuyas ro ginaeauman para sa masunod nga buean.
Plano man it DA nga usisaon ro imbentaryo it sibuyas sa mga cold storage facilities agud nga masabat ro pagkinahangean makaron nga holiday season.
-- ADVERTISEMENT --
