KALIBO, Aklan—May positibong epekto sa Pilipinas ro trilateral summit sa White House, partikular ro pagpasiguro it US ag Japan nga pagabuligan ro nasyon sa pag-angkon it maritime security.
Raya ro ginpahayag ni dating sangguniang panlalawigan member ag political analysts Atty. Harry Sucgang.
Bangud kara, may kahigayunan suno kana nga mapa-improve ro relasyon it nasyon sa china angot sa mabuhay eon nga tensyon sa West Philippine Sea basta nga indi eamang magpasilabot ro Russia.
Posible suno kana nga bangud sa natabu hay magapasugot ro China nga makipagdayalogo sa Pilipinas.
Samtang, gindayaw man ni Atty. Sucgang si presidente Ferdinand Marcos Jr., sa pagpabaskog it andang defense ties sa Japan ag U.S.
Madumduman nga sa kauna-unahan nga kahigayunan hay nakipagpueong si Marcos kanday U.S. President Joe Biden ag Japanese Prime Minister Fumio Kishida sa Washington kun sa siin uman nga gin-garantiya ni Biden nga pwedeng ipanawagan ag ikasa ro mutual defense treaty engkaso nga makaangkon it anumang pag-atake sa Philippine aircraft, vessel, ukon armed forces sa WPS.
Sa pihak nga parte, bangud sa mas ginpabaskog nga alyansa, kabay suno kana nga mabuligan it Amerika ro Pilipinas nga maayos ag mapa-umwad ro bulok nga agrikultura it Pilipinas.
Nasayuran nga ro amerika ro ginakilaea makaron nga most powerful agricultural country sa bilog nga kalibutan.