National News———-Gin-anunsyo it Department of Health ko Biyernes nga may una eun nga local cases it mas mataeapon nga Delta variant it COVID-19 sa Pilipinas.
Daywa sa 11 nailistang kaso ro una sa Metro Manila, ag sambilog hay namatay.
Suno kay Health Undersecretary Maria Rosario Vergeire, mag-euwas sa 11 local cases it Delta variant, nadugangan pa raya it limang kaso nga maghalin man sa returning overseas Filipinos (ROFs).
Sa kabilugan, 35 eun ro Delta variant cases nga nailista sa nasyon.
Sa 11 local cases, daywa ro una sa Metro Manila, an-om sa Region 10, ag daywa sa Region 6.
May sambilog man nga nagpositibo sa Metro Manila apang sa Region 3 ro andang panimaeay.
Mag-euwas sa sangka pasyente sa Metro Manila nga namatay, nagmayad man ro 10 iba pa.
