Bumalik sa $1.5 bilyong deficit ro balance of payments (BOP) it Pilipinas ku Hulyo 2026 halin sa $3.4 bilyong surplus ku Hunyo, suno sa Bangko Sentral ng Pilipinas (BSP).
Nagapangunang nakaapekto kara ro padayon nga trade deficit ag pagbayad it mga obligasyong pangguwa it gobyerno.
Samtang, nag-abot sa $5.3 bilyon ro year-to-date BOP deficit, mas manaba sa $5.8 bilyon nga nalista sa kaparehong tyempo ku nagtaliwan nga dag-on.
Nakabulig man sa pagsueod it pondo ro remittances it mga overseas Filipino, foreign borrowings ag foreign direct investments.
Nagnaba man sa $103.3 bilyon ro gross international reserves (GIR) sa pagtapos it Hulyo halin $104.7 bilyon ku Hunyo.
Apang, ginhambae it BSP nga bastante gihapon ro reserba para tustusan ro 6.7 bueang imports ag serbisyo ag katumbas it 3.7 beses it short-term external debt it nasyon.
