National News——-Kapin sa 11.7 milyong doses eon it COVID-19 vaccines ro kabilugang naiturok it gobyerno sa publiko.
Sa report it Department of Health (DOH), eksaktong 11,708,029 doses ro naipanupod eon, 8,839,124 ro nataw-an it unang dose samtang kapin sa 2,868,905 ro nakabaton eon it ikaywang dose para maging ‘fully vaccinated’.
Target it gobyerno nga makumpleto ro bakuna it 58 milyong Pilipino antes matapos ro dag-on para maabot ro ginatawag nga ‘population protection’ apang magiging depende gihapon raya sa suplay it bakuna nga nagaabot sa nasyon.
Sa ika-18 nga dominggo it ‘national vaccination’, nakalista it ‘record high’ nga 1,642,615 doses it bakuna nga naiturok sa mga tawo.
Ginklaro it DOH nga ro mga nakabaton it unang dose ag maging mga ‘fully vaccinated’ eon hay kinahang-ean gihapon nga magdahan ag magpatuman it ‘minimum health standards’ bangud sa bukon gihapon sanda it eowas nga matapnan it COVID-19 apisar nga masuk-ean ro grabeng epekto kara.
