-- ADVERTISEMENT --
Napas-eawan ro Philippine women’s volleyball team kontra sa Vietnam sa unang adlaw it 2022 AVC Cup for Women nga ginhiwat sa Philsport Arena.
Ro koponan nga ginpagunahan it Premier Volleyball League (PVL) Invitational Conference champions Creamline hay naging grabe ro pag-engkwentro sa unang daywang set.
Hasta it pagsueod it ikatlong set hay idtu eon umarangkada ro mga Vietnam players nga nakapuntos it 19-25, 17-25, 19-31 para mabuoe ro daog sa Pool A.
Apisar nga owa nakahampang ro andang team captain nga si Alyssa Valdez bangud sa maeain nga pamatyag hay ginpakita pa man nanda ro manami nga hampang.
Masunod nga maka-atubang it Pilipinas ro China sa Martes Agosto 23.
-- ADVERTISEMENT --
