Kalibo Aklan ———-Nagapati si bombo international correspondent Denmark Suede it Sydney, Australia bilang sangka observer nga indi man mag-abot sa punto nga papanaugan it amerika it economic sanction ro Pilipinas bangud sa pagbakae it 16 nga mga mabahoe nga helicopter sa Russia .
Suno kana nga may naga-eksister nga laye sa amerika nga kon ro sangka nasyon hay nagbakae it military equipment sa mga nasyong komunista kapareho it Russia, Iran ag North Korea hay posibleng iga-ban ro pagbakae it iba pang piyesa partikular it makina sa US .
Ginhalimbawa ni Suede ro natabu sa Turkey nga nagbakae it surface-to-air-missle-400 sa Russia, kun sa siin owa sanda ginpasugtan nga magbakae it makina sa amerika rason nga hasta sa makaron hay indi nanda magamit ro nasambit nga arsenal.
Medyu mabudlay man suno kana nga mabawi ro gin-down it gobyerno it pilipinas nga 15% sa Russia sa tunga it nagapatunga nga tensyon makaron sa Ukraine.
Madumduman nga ko 2020 hay ginpahayag it Armed Forces of the Philippines nga ginakonsidera nanda nga magbakae it mga chopper units kamana man mga armas halin sa Russia bilang kaparte it andang modernization program nga ginaduso ni Pangueong Duterte nga matapos antes nga magwakas ro anang termino sa 2023 .
Sa pihak nga parte, gindugang pa ni Suede nga indi pwedeng maging neutral ro pilipinas sa isyu makaron it Russia ag Ukraine bangud sa naga-eksister nga mutual defense treaty sa US .
Nasayuran nga ro foreign policy ni Duterte hay ginasugid nga nagapabor sa Russia ag China ag matsa maeayo sa US nga mabuhay eon nga kaalyado it nasyon rason nga hugut nga ginabatikos it pilang opisyal ro pila sa anang mga polisiya.
