NATIONAL News —- Nagpaandam si Pangueong Rodrigo Duterte nga posibleng maka-apekto sa Pilipinas ro Nuclear War kun maga-grabe pa ro giyera sa tunga it Russia ag Ukraine.
Sa anang diskurso sa graduation ceremony sa Philippine National Police Academy sa Silang, Cavite, ginpahayag ni Pangueong Duterte nga bukon it imposibleng mag-abot sa punto nga magkalhit sa ibang nasyon ro giyera.
Sa oras suno kana mga maggamit eon it armas nukleyar hay indikasyon raya nga “seryosong problema” eon ro ginapangatubang it bilog nga kalibutan apang kon indi man matabu hay magpasaeamat ro tanan sa Diyos.
Nauna eon nga ginbulgar it US Central Intelligence Agency nga ro mga sabeag sa pagsakop it Russia sa Ukraine hay posibleng maging daean para kay Russian President Vladimir Putin nga gumamit eon it tactical nuclear weapons.
