KALIBO, Aklan–Nagapati si Sangguniang Panlalawigan member Nemesio Neron nga may posibilidad nga madaeahig ro Pilipinas engkaso nga mag-grabe ro tensyon sa tunga it China ag Taiwan.
Suno kay Neron, dapat nga maging neutral ro nasyon apang kinahang-ean nga maging preparado sa anumang sitwasyon.
Nagapati man ro opisyal nga mabuhay eon nga ginpreparahan it Taiwan ro pagsakop kanda it China.
Sa pagtaliwan it tyempo, naka-adopt eon ro Taiwan it democratic form of government.
Raya hay matapos nanda nga masayuran ro madasig nga progreso it andang nasyon sa idaeom it demokrasya.
Nasayuran nga gustong sakupon it China ro Taiwan bangud sa pagpati nga kaparte raya it andang teritoryo.
Sa oras nga mag-atake ro China, ginaeauman eon sigon ro pagtao it suporta ag depensa it Amerika bangud kaalyado kara ro Taiwan.
