Posible eon sigon ro nga sumunod Pilipinas sa ginapatigayon nga tikang it Center for Diseases Control (CDC) sa Amerika nga pagpahaeuga man sa mga health protocols.
Sandig sa bag-ong sueundanan it CDC, ginarekomenda ro pagboue eon it pilang protocols kapareho it physical distancing ag quarantine apisar nga may mga close contacts sa mga COVID positive.
Suno kay Dr Ted Herbosa, dating adviser sa National Task Force Against COVID-19, ro kaeapit nasyon it Pilipinas nga Thailand hay gintuead eon man ro CDC.
Ginboue eon sigon it health department it Thailand ro COVID-19 sa listahan nga sambilog sa mga dangerous communicable diseases ag sa pihak hay ginbutang eon lang sa kategoryang trangkaso.
Bastante eon sigon ro anda nga health care capacity ag ginapaidaeom ro tanan nga pumueuyo sa pagbakuna.
Sayod eon man sigon it mga eksperto iya sa Pilipinas kung paanu pagatubangon ro virus kung mag-mutate.
Sa kamatuoran sigon ro mga tinamaan it omicron subvariants hay kaeabanan sa anda eon lang nga mga panimaeay naga pamayad.
Padayon nga padumdum it mga eksperto nga magpaidaeom eon sa booster shots ag kung an-um nga buean eon matapos magpabakuna hay dapat magpaidaeom eon man sa booster shots.
