Ginpaabot ni Pangueong Ferdinand Marcos Jr. nga posible nga mag-export ro Pilipinas it tuna, sardinas, bang-eus ag iba pang produkto sa Paraguay sa ginpatigayon nga bilateral meeting kaibahan si Paraguayan President Santiago Peña Palacios.
Nauna kara, mainit nga ginbaton ni Pangueong Marcos si Peña sa Palasyo it Malakanyang para sa official visit kara. Nag-abot sa Pilipinas si Peña, adlaw it Domingo.
Kasunod it andang bilateral talks, ginpahayag ni Pangueong Marcos nga gina-istoryahan nanda ni Peña ro angot sa kooperasyon kaibahan ro agrikultura, kalakalan ag renewable energy, mag-eowas sa iba pa.
Dugang pa it pangueo nga ro pag-export it Philippine fishery products sa Paraguay hay siguradong makapabaskog sa local industry.
Para man kay Peña, ginapanan-aw it Paraguay nga paeawigon ro export offerings kara nga butil, mais, oilseeds, ag agro-industrial products sa Pilipinas.
Pahayag dugang nga ro pagbukas it Philippine market sa Paraguayan beef, pork, ag poultry imports ko August 2025 hay natigayon eon nga makaangkon it unang shipment.
