Naghimo it joint maritime activities ro armed at defense forces it Pilipinas kaibahan ro mga kaalyadong nasyon nga Amerika ag Japan sa sueod it at West Philippine Sea kahapon Biyernes, Disyembre 6.
Ro nasambit nga pag-ensayo hay andang ikalimang Multilateral Maritime Cooperative Activity (MMCA).
Kaibahan sa mga partisipante hay ro P-8A Poseidon it US Navy halin sa Patrol Squadron 47, ro BRP Andres Bonifacio ag C-90 it Philippine Navy ag ro Japan Maritime Self Defense Force’s Murasame-class destroyer JS Samidare (DD 106).
Sa sangka statement ginpahayag ni US Indo-Pacific Command nga ro nasambit nga ensayo hay nagapakita it commitment it 3 nasyon para mapamayad ro regional ag international cooperation para sa hilway ag bukas nga Indo-Pacific region.
Ginklaro man it US Indo-Pacific Command nga ginahimo ro nasambit nga ensayo alinsunod sa international law ag sandig sa euwas nga pag-eayag ag kinamatarong ag interes it ibang mga estado.
Samtang, nauna eun nga naghimo ro Armed Forces of the Philippines kaibahan ro Australia, Japan ag US it pre-sail conference sakay it Japan Maritime Self-Defense Force’s JS Samidare (DD106) sa Pier 15 it syudad it Maynila ku December 4 bilang bahin it 5th MMCA.
Iya hay nag bayluhan it best practices ag operational insights ro maritime defense experts base sa sangka statement nga ginpaguwa it AFP kahapon.
Ginkumpirma man it AFP ro paghimo it nasambit nga ensayo sa sueod it exclusive economic zone it Pilipinas kahapon.
