Pilot testing it limited face to face classes, gin-aprubahan eon ni Pangueong Rodrigo Duterte

KALIBO, Aklan—Gin-aprubahan eon ni Pangueong Rodrigo Duterte ro pagpatigayun it pilot testing it limited face to face classes nga gina-proponer it Department of Education (DepEd).

Ginpahayag ni DepEd Secretary Leonor Briones nga limitado anay sa sang gatos nga eskwelahan sa bilog nga nasyon ro pilot face to face classes.

Dugang pa it sekretarya nga maipatigayun eamang raya kung makapasar sa safety assessment it ahensya ro area kung siin igapatigayun ro klase.

Kinahang-ean man nga makaangkon it pagpasugot halin sa lokal nga gobyerno ag written consent halin sa mga ginikanan ro mga estudyante nga iga-eakip sa limited face to face classes.