Naga-abot sa 11 nga katawo, kaibahan ro piloto ag 10 parachutists ro namatay matapos bumagbag ro maisot nga eroplano sa Tomblaine, France.
Ro nasambit nga eroplano nga ginagamit it parachuting school ag may sakay nga limang trainee parachutists, limang instructor, ag ro piloto hay bumagbag matapos mag-take off halin sa Nancy-Essey airport.
Nakita mismo it mga miyembro it pamilya it pilang trainee ro pagbagsak it eroplano, suno kay Interior Minister Laurent Nunez.
Bumagbag sigon raya sa 300 meters halin sa runway.
Suno sa report, ro eroplano hay nakarehistro sa Germany.
Owa pa it komento ro foreign ministry it Germany angot kara.
Bukon pa it klaru kon ro rason sa aksidente hay bangud sa grabeng init it tiempo, kun sa siin, nailista ro pinakamataas nga temperatura sa kasaysayan sa Nancy, siyudad nga maeapit sa Tombaline.
