Naga-decline ukon nagabawas eon ro mga weavers ag mag knotters iya sa probinsya it Aklan, apang mahambae sa gihapon nga nasusustain ro mga kinahangeanon it mga manugbakae it Piña Fabric.
Suno kay Alan Tumbukon, weaver ag owner it sangka weaver company sa banwa it Kalibo, nga naga-sangkiri ro mga weavers apang napabilin sa gihapon nga napo-provide ro mga kinahangeanon it mga manugbakae.
Kun sa istoryang produkto hay naga-provide sanda it dekalidad nga mga produkto ag ro andang main product hay ro piña silk, apang naga-ubra man sanda it mga piña cotton silk ag abaca cotton silk nga. Do mga ginagamit sigon nandang produkto hay halin gid sa mga lokal nga manufacturer iya sa probinsya it akean.
Dugang pa ni Alan nga kaya may presyo ro mga piña fabric hay bangud eon man sa maid-id nga proseso it pag himo ag dekalidad nga tela nga andang gin-ubra.
Sa pag-ubra sigon it sangka plain weaving hay maabot sa 1meter kada adlaw ag kun may burda mat’ana hay maabot sa ¼ kada adlaw ro nauubra depende sa disenyo.
Samtang, ginpaathag man ni Alan nga indi man mapunggan nga mag-sangkiri ro mga weavers bangud mahambae sigon nga ro mga inunga sa makaron hay ginapaeskwela para maabot ro mga handum sa kabuhi, apang hinyo eang nana nga padayon kunta sigon nga i-promote ro weaving industry para eon man nga mapabilin ro kultura nga bugae it probinsya it Aklan.
