Natukiban it mga marine biologist ro ginakabig nga “world’s largest bacterium” sa sangka mangrove swamp sa Caribbean.
Haeos tanan nga mga bacteria hay microscopic ukon sobrang isot ag indi makita gamit eamang ro atong mga mata.
Kinahangean it microscope agud nga makita ro mga raya.
Apang may sangka bacteria nga sa sobrang bahoe, indi eon kinahangean it microscope agud nga raya hay makita.
Ginatawag ro bag-ong tukib nga bacteria nga “Thiomargarita magnifica”.
Suno sa nakadiskubre kara nga si Olivier Gros, kapareho ro kabahoe it Thiomargarita magnifica sa sambilog nga pilok .
Una raya nga natukiban ni Gros sa archipelago it Guadeloupe.
Nakita nana raya nga nakadukot sa mangrove leaves ag owa nana ginaeauman nga raya hay sangka bacteria bangud sa anang kabahoe.
Sa bulig it genetic analysis, nasayuran nanda nga raya hay sangka single bacterial cell.
Maabu ro nangawa nga mga siyentipiko sa natukiban nga bacteria bangud nga makabulig raya sa mga researchers kon ano ro limitasyon it sangka cell sa sukat nga posible kara nga ikabahoe .
Hasta sa makaron hay owa it klaru nga sabat kon ham-an nga mabahoe ro Thiomargarita magnifica apang may hypothesis si Gros nga posibleng raya hay sangka adaptation it bacteria agud nga makalikaw raya nga makaon it ibang mga maisot nga organism
