KALIBO, Aklan—Euwas nga nakaabot sa nasyon ro MRRV-9701 ukon ro pinakamabahoe nga barko it Philippine Coast Guard (PCG) makaron nga adlaw, Pebrero 26.
Ginsug-aeaw raya it PCG officers ag personnel, sa pagpanguna ni PCG Officer-in-Charge, CG Vice Admiral Eduardo D Fabricante sa Port Area, Manila.
Raya hay matapos ro pag-eayag it MRRV-9701 halin Shimonoseki Shipyard sa Japan kung siin raya ginhimo it Mitsubishi Heavy Industries (MHI), Ltd halin pa ko Disyembre 2020.
Ro MRRV-9701 hay sambilog sa daywang 97-meter multi-role response vessels (MRRV) nga tuyo nga paeawigon ro modernisasyon it PCG.
Kaparte raya it Maritime Safety Capability Improvement Project (MSCIP) Phase II it Pilipinas, sa pagpanguna it Department of Transportation (DOTr) ag Japan nga pormal nga nakasugtanan ko Oktubre 2016.
