Balitang Espesyal—————–Ginakabig nga record holder it Guinness World Records si Samantha Ramsdell halin sa Connecticut USA para sa titulong ‘world’s largest mouth gape for a female’.
May sukat nga 6.56 sentimetro ukon haeos daywa ag tunga nga pulgada ro bibig ni Samantha.
Naga-abot raya it napueong sentimetro ukon ap-at nga pulgada kun pagasukaton it pahaba.
Suno kay Samantha, kato pa nana nasayuran nga may una imaw nga mabahoe nga bibig hasta nga gin engganyo imaw it TikTok users nga ipakitang-gilas raya agud nga makaangkon it world record.
Sambilog sa pinakasikat nana nga video sa TikTok hay kat dueueungan nana nga ginbutang ro tatlong donuts sa sueod it anang bibig, maskin pa nga ro request it mga tawo hay daywa eang sa sangka kaean-an.
Masarangan man nana nga pun-on ro anang bibig it sangka large order it fries.
Suno kana nga bukon it madali nga magpangabuhi nga may mabahoe nga bibig bangud nga pirme imaw nga gina-bully samtang nga nagabahoe.
Samtang, hilway eon nga ginbaton ni Ramsdell ro anang tumaeagsahon nga ikasarang.
Sa makaron hay kapin sa 1.7 milyon eon ro anang followers sa TikTok.
