BALITA Espesyal– Sangka kompanya nga naga obra it dolse sa Mexico ro nakabaton it Guinness World Record title matapos sanda nga mag obra it higanteng marshmallow nga mas mabug-at pa sa sangka grand piano!
Gin obra it kompanyang Dulces Mazapan de la Rosa ro marshmallow sa Plaza Fundadores sa Guadalajara, Jalisco.
Ro nasambit nga record breaking attempt hay sambilog sa mga activities nga kaparte it 200th founding anniversary celebration it andang banwa.
Agud nga makasiguro nga nakasueod n sa requirements it Guinness organization ro marshmallow, nakabantay sa industrial plant it kompanya ro official adjudicator nga si Carlos Tapia.
May bug-at nga 648.40 kilograms ro marshmallow ag nagkinahangean it 100 nga katawo agud nga mag-eaha kara.
Nagbuhay it 53 oras ukon masobra sa daywang adlaw para mahuman ro marshmallow.
Matapos makumpirma nga ro Dulces Mazapan de la Rosa eon ro bag-ong record holder, gintunga-tunga ag ginsamitan it mga pumueuyu sa Guadalajara ro marshmallow
