Sangka ayam sa California nga may pangaean nga Gino ro gintawag nga pinakamagueang nga ayam sa bilog nga kalibutan it Guinness World Records matapos makumpirma nga 22 anyos eon raya nga nagakabuhi.
Suno sa anang fur parent nga si Alex Wolf, gin-ampon nana si Gino samtang imaw hay college student pa eamang ko 2002 sa Humane Society of Boulder Valley sa Colorado.
Forty years old eon si Alex Wolf ag ginapabugae nana nga kaibahan nana si Gino sa kada importanteng chapter it anang kabuhi.
Sa bulig it mga veterinarian, ginpaidaeum sa check-up ro ayam nga si Gino ag napamatud-an it mga raya nga natawo ro ayam ko Setyembre 24, 2000.
Bangud kara, si Gino ro bag-ong naglista it Guinness World Record title nga “Oldest Living Dog”.
Ro previous title holder kara hay si Toby Keith nga may edad nga 21.
Suno kay Alex Wolf, pinaagi sa balanced diet, regular veterinary care ag regular exercise ro rason sa mahabang kabuhi ni Gino.
