Nag-graduate ro 98 years old nga si Giuseppe Paterno, sa ikaywang kahigayunan matapos nana nga mabo-oe ro anang masters degree in history and philosophy.
Ko 2020, nabaton ni Paterno ro anang bachelors degree in history and philosophy sa University of Palermo sa edad nga 96.
Nawili imaw sa pagkolehiyo ag naisipan nga padayunon raya sa masteral degree.
Natawo ko 1923 si Paterno sa sangka pobre nga pamilya sa Sicily, Italy.
Mahilig mag-eskwela ag magbasa si Paterno apang owa imaw nakatungtong sa kolehiyo.
Pag abot it World War II, nagsirbisyo imaw sa Italian Navy ag pagkatapos it giyera hay nagtrabaho imaw bilang railway worker.
Ko dag-on 2017 naisipan ni Paterno nga bumalik sa pagtuon bangud nga mabuhay eon nana nga handum nga makapagtapos sa kolehiyo.
Sa edad nga 93 nag-enroll imaw sa University of Palermo ag bangud kara, ginbansagan imaw nga oldest student in Italy.
Suno sa pamilya ni Paterno, sobrang proud sanda sa andang ama nga maskin nga madali eon lang nga maging 100 years old, nakakabo-oe a raya it mataas nga grado ag ginpasidunggan pa raya it anang unibersidad nga first class honors.
Suno kay Paterno, gusto nana nga obrahon pagkatapos mabo-oe ro masteral degree nga matapos ro anang ginsueat nga nobela
